President William Ruto augiite ati thirikaari ya Kenya Kwanza ni ithiite o weega mageria-ini ma gukinyaniria mubaango wayo wa gukuria utoonga wa bururi kwambiririria na andu aria a ngathi ya thi guthii na iguru.
Akiaria hiingo ya mambura ma gukunguira mwaka umwe kuuma riria kigiina kia Hustler Fund kiaguuririo, President augire ati kigiina kiu ni gituikiite njira iria kuhitukira yo Aakenya aingi aria hau kabere matarumbuiyagio ki-mbeca marahota kugunika.
President augire ati kigeri gia CRB ni kiaumaga Aakenya mweke wa gukinyira njohoro, na ongerera ati na njira ya kwambiririo gwa kigiina kia Hustler Fund, Aakenya riu ni marahota gukoomba mbeeca na ngarama huthu.
Augire ati kuhutukira ciriingi billion 12 iria ciarutirwo gukiambiriria, kigiina kiu ni kirahota kwirugamirira.
President augire ati makiria ma Aakenya million 7.7 ni makoreetwo magikoomba mbeeca kuuma kigiina-ini kiu maita maingi, magicirihaga o ta uria kwagiriire.
